“Токио-2020” Олимп, паралимпийн наадмыг зохион байгуулах хороо, Японы Үндэсний Олимпийн хороо, бусад холбогдох байгууллагынхан дэлхийн улс орнуудад дэгдээд байгаа COVID-19 коронавирусын улмаас ирэх зун Японы нийслэлд болох хүн төрөлхтөний спортын их наадмыг хугацаанд нь зохион байгуулах эсэх асуудлаар тусгайлан хэлэлцэнэ.
Дээрх нэр бүхий байгууллагын албаны хүмүүс ирэх 5-р сард нэгдсэн хуралдаан явуулж, COVID-19 вирусын халдварт өвчний тухайн үеийн нөхцөл байдалтай холбогдуулан “Токио-2020” Олимпийн наадмыг тогтоосон хугацаанд нь явуулах эсэхийг шийдвэрлэх юм. Токио-2020 зуны 32 дахь Олимпийн наадам ирэх 7-р сарын 24-нөөс 8-р сарын 9-ний хооронд зохион байгуулагдахаар төлөвлөгдөөд байгаа юм. Японы нийслэлд болох Олимп, паралимпийн наадмын зохион байгуулах хорооны тэргүүн Сейко Хашимотогийн мэдээлснээр ОУОХ ирэх 5-р сарын сүүлээр хуралдаж, COVID-19-ийн халдварын тухайн үеийн нөхцөл байдлаас шалтгаалан Токио-2020 Олимпийн наадмыг зохион байгуулах эсэхийг шийднэ гэдгийг тодотгон мэдээлжээ. Түүний мэдэгдсэнээр магадгүй тухайн нөхцөл байдалтай холбоотойгоор Олимпийн наадмыг зохион байгуулах хугацааг хойшлуулж болзошгүй гэнэ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
3,381.05 
°C
Сэтгэгдэл бичигдээгүй байна