Монгол Улсад коронавирусийн халдвар 760 тохиолдол батлагдаад байгаагаас 347 хүн бүрэн эдгэрсэн. Одоогоор 406 хүн эмчлүүлж буй бол долоон хүн нутаг буцсан тухай мэдээллийг өнөөдөр ЭМЯ-наас өглөө.
Эмчлүүлж буй 406 хүний биеийн байдлыг үнэлбэл, 324 нь хөнгөн, 73 нь хүндэвтэр, хүнд 8, маш хүнд 2 хүн байгаа юм.
Тэднийг эмчилж эмчилгээний арга барилын талаар ХӨСҮТ-ийн Ерөнхий захирал Д.Нямхүү "Коронавирусийн халдвар авсан хүмүүсийн биеийн байдлыг хөнгөн, дунд зэрэг, хүнд, маш хүнд гэж ангилан эмчилгээ хийж байна. ДЭМБ-аас өгсөн зөвлөмжийг дагаж байгаагаас гадна эмч нарынхаа ур чадвараар эмчилж байгаа.
Эмчилгээний гол эм нь авиган, арбидол. Сүүлд ремдесивир эмийг авсан. Олон улсад ашиглаж буй эмийг Монгол Улс хоцролгүйгээр цаг хугацаандаа татан авсан.
Эмчилгээний аргыг нарийвчлан ярих боломжгүй бөгөөд хүний биеийн онцлог, эрүүл мэндийн байдалд тохируулан вирусийн эсрэг эмчилгээ, антибиотик эмчилгээ, биеийн ерөнхий эсэргүүцэл сайжруулах эмчилгээг хавсарч хийж байгаа. Түүнчлэн үр дүнг нь тогтмол хянаж, харьцуулдаг. Эмчилгээ оновчтой явагдаж байгаа гэж дүгнэж байна.
Одоогоор бид хүнд хүмүүсээ алдахгүй байхад онцгой анхаарч ажиллаж байна. Хүндэрвэл ашиглах ЭКМО аппарат бэлэн бий" гэлээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
3,419.59 
°C
Сэтгэгдэл бичигдээгүй байна