Жил бүрийн томуу, томуу төст өвчин (ТТТӨ)-ий дэгдэлтийн улирлыг угтуулан ЭХЭМҮТ-өөс томуу, томуу төст өвчний оношилгоо, эмчилгээний удирдамжийг шинэчлэн боловсруулж, улсын хэмжээнд хүүхдэд тусламж үйлчилгээ үзүүлж буй хүүхдийн эмч, мэргэжилтнүүдэд зориулан сургалт зохион байгуулах, тусламж үйлчилгээний бэлэн байдлыг үнэлж, зөвлөгөө өгөх зэргээр хамтран ажилладаг уламжлалтай.
2020 оны хувьд ТТТӨ-ний улирал нь Ковид 19 ба бусад халдваруудтай хавсарч тохиолдох эрсдэл өндөртэй, ихээхэн онцлогтой улирал болохоор байгаа тул бэлтгэл ажлыг илүү хянуур, нарийн төлөвлөж хийх шаардлага бидний өмнө тулгарч байна. Иймд тус төв нь ЭМЯ, ДЭМБ-тай хамтран 21 аймгийн Нэгдсэн эмнэлэг, Бүсийн оношилгоо эмчилгээний төвийн ТТТӨ-ний дэгдэлтийн үед хүүхдэд үзүүлэх эмнэлгийн тусламж үйлчилгээний бэлэн байдал, Эрүүл мэндийн сайдын холбогдох тушаалын хэрэгжилтийг үнэлж, зөвлөгөө өгөн ажиллаж байна.
Энэ ажлын хүрээнд ЭХЭМҮТ-ийн нярайн зөвлөх, АУ-ны магистр, клиникийн профессор, тэргүүлэх зэргийн эмч С.Энхтуяагаар ахлуулсан зөвлөх эмч нарын баг Өмнөговь аймгийн Бүсийн оношилгоо эмчилгээний төв, Дундговь аймгийн Нэгдсэн эмнэлэгт ажиллаж, хүүхдийн яаралтай тусламж, эрчимт эмчилгээний бэлэн байдал, нярайн түнхний хэт авиан скрининг оношилгоо, эмчилгээний хэрэгжилтийн бодлогын бичиг баримт, эмнэлзүйн заавар, хүний нөөц, эм, эмнэлгийн хэрэгсэл, тоног төхөөрөмжийн хангамж, бэлэн байдлыг шалгуур үзүүлэлтээр үнэлэн, сургалт зохион байгуулж, аймаг тус бүрд зөвлөмжийг хүргүүлж, мэргэжил аргазүйгээр ханган ажиллалаа.
Жил бүрийн ТТТӨ-ий улирлын бэлтгэл ажилд дэмжлэг үзүүлж, хамтран ажилладаг ДЭМБ-ын Монгол дах төлөөлөгчийн газарт талархал илэрхийлье.
Дундговь аймаг:
Өмнөговь аймаг:
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
3,418.84 
°C
Сэтгэгдэл бичигдээгүй байна