АНУ-ын 46 дахь ерөнхийлөгчөөр сонгогдсон Жо Байден өчигдөр тангаргаа өргөж, Цагаан ордны эзний сэнтийд суулаа. Түүний тангараг өргөх ёслолд Билл Клинтон, Жорж Буш, Барак Обама нарын зэрэг өмнөх ерөнхийлөгчид болон АНУ-ын дээд шүүхийн шүүгчид хүндэт зочноор оролцсон байна.
Харин Доналд Трампын хувьд тус ёслолд оролцохгүй гэдгээ өмнө нь мэдэгдсэнчилэн ёслол эхлэхээс 2 цагийн өмнө Цагаан ордныг орхин явсан талаар эх сурвалжууд мэдээллээ. Ийнхүү тэрбээр залгамжлагч ерөнхийлөгчийнхөө тангараг өргөх ёслолд оролцоогүй АНУ-ын анхны Ерөнхийлөгч хэмээн түүхэнд тэмдэглэн үлдэх болж байна.
АНУ-ын шинэ ерөнхийлөгч тангараг өргөж, үүрэгт ажилдаа орсон даруйдаа 15 тушаалд гарын үсэг зурлаа. Тэдгээрийн дотор ДЭМБ-тай өмнөх харилцаагаа сэргээх, Мексиктэй хил залгаа нутагт баригдаж байсан хана барих ажлыг зогсоох, Лалын шашинт 7 том улсын иргэдийн эсрэг тогтоосон АНУ-д нэвтрэх эрхийг хязгаарлалтыг цуцлах, уур амьсгалын өөрчлөлтийн эсрэг тэмцэхэд чиглэгдсэн Парисын гэрээнд эргэн нэгдэх зэрэг томоохон шийдвэрүүд багтаж байна.
Гэрэл зургийг CNN-ээс...
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
3,376.93 
°C
Сэтгэгдэл бичигдээгүй байна