Засгийн газраас энэ онд Хүүхэлдэйн театр, Хүүхдийн төв номын сангийн гэсэн хоёр барилгаас бүтэх Хүүхдийн соёл, урлагийн цогцолбор хэмээх байгууламж барихаар төлөвлөсөн бөгөөд бүтээн байгуулах ажлыг энэ хавар эхлүүлэх гэнэ.
Зургийг архитекторчдын “Гангоо архитектс” компаниар гаргуулжээ. Цогцолборыг Чингэлтэй дүүргийн V хорооны нутаг дэвсгэрт, олны мэдэхээр Тасганы овоо орчимд барина.
Засгийн газраас сэргээн байгуулж буй Хүүхдийн төлөө фондод хаяглан 10 тэрбум төгрөг шийдэж өгсөн бөгөөд үүнээс энэхүү цогцолборын санхүүжилтийн шанг татахад зарцуулах юм байна. Мөн өнгөрсөн оны сүүлчийн өдөр ард түмний хандиваар цугласан хоёр тэрбум гаруй төгрөгөөс энэхүү бүтээн байгуулалтад зориулна.
Улсын энэ оны төсөвт Соёлын яамны эрхлэх ажлын хүрээнд Байгалийн түүхийн музей, Чингис хааны музей зэрэг цөөн тооны байгууламжийг байгуулахаар тусгасан тул дээрх цогцолборыг барих хөрөнгө дутаж буй тул Засгийн газрын дэмжлэг болон олон нийтийн хандиваар бүтээн босгохоор шийдсэн аж.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
3,381.65 
°C
Сэтгэгдэл бичигдээгүй байна