Хаана, аль шатанд ажилладгаас хамаар ч шүүгчдийн ачаалал харилцан адилгүй байдаг. Анхан шатны шүүгчдийн ачаалал давж заалдах болон хяналтын шатны шүүгчдээс харьцангуй их байдаг нь хэргийн тоотой шууд холбоотой.
Орон нутаг, нийслэлийн дүүргүүдийн шүүхийн ачаалал төдийлөн ялгаагүй байдаг ч зарим аймгийн шүүгчид нийслэлийн шүүгчдээс илүү ачаалалтай ажилладаг байна.
Мөн иргэний хэргийн тоо эрүүгийн хэргээс их байдаг тул иргэний хэргийн шүүхийн шүүгчид харьцангуй олон хэрэг дээр ажиллажээ.
Тайлбар: Шүүгчдийн тоог тооцохдоо Шүүхийн хүний нөөцийн газраас гаргасан 1-12 саруудын шүүгчийн тоон судалгаан дээр үндэслэн тооцжээ. Тухайлбал, Баянзүрх дүүргийн Иргэний хэргийн анхан шатны шүүх тайлант хугацааны 1-5 дугаар саруудад 15 шүүгчтэй, 6-7 дугаар саруудад 16 шүүгчтэй, 8-12 дугаар саруудад 15 шүүгчтэй ажилласан гэж тооцвол нийт шүүгчдийн дундаж тоо 15.2 байна. Өөрөөр хэлбэл, нэг шүүгч тайлант хугацааны 12 сард бүтэн ажилласан бол “нэг бүхэл” гэж тооцогдох бөгөөд шинэ шүүгч томилогдсон тохиолдолд “тухайн шүүгчийн ажилласан сарыг 12 сард нь хуваах” гэсэн аргачлалаар тооцсон байна.
Дүүргийн Эрүүгийн хэргийн анхан шатны шүүх.
2020 онд дүүргийн Эрүүгийн хэргийн анхан шатны шүүхэд нийт 58 шүүгч ажилласан бөгөөд нэг шүүгчид дунджаар 128.4 хэрэг ногдож байна.
Энэ нь өмнөх оны мөн үетэй харьцуулбал шүүгчийн тоо 53.4 байснаас 4.6 хүнээр өсөж, нэг шүүгчид ногдох хэргийн тоо 111.6 байснаас 128.4 болж 16.8 хэргээр өссөн дүнтэй гарсан байна.
№ | Шүүх | Эрүүгийн хэрэг | Шүүгчийн тоо | Нэг шүүгчид ногдох хэргийн тоо /жилд/ |
1 | Баянзүрх дүүргийн Эрүүгийн хэргийн анхан шатны шүүх | 2064 | 11.2 | 184.3 |
2 | Сонгино хайрхан дүүргийн Эрүүгийн хэргийн анхан шатны шүүх | 1245 | 9.44 | 131.9 |
3 | Сүхбаатар дүүргийн Эрүүгийн хэргийн анхан шатны шүүх | 1024 | 7.84 | 130.6 |
4 | Хан-Уул дүүргийн Эрүүгийн хэргийн анхан шатны шүүх | 794 | 6.56 | 121.0 |
5 | Чингэлтэй дүүргийн Эрүүгийн хэргийн анхан шатны шүүх | 909 | 7.68 | 118.4 |
6 | Баянгол дүүргийн Эрүүгийн хэргийн анхан шатны шүүх | 1046 | 9.2 | 113.7 |
7 | Налайх дүүргийн Эрүүгийн хэргийн анхан шатны шүүх | 210 | 2.4 | 87.5 |
8 | Багануур дүүргийн Эрүүгийн хэргийн анхан шатны шүүх | 132 | 2.72 | 48.5 |
9 | Багахангай дүүргийн Эрүүгийн хэргийн анхан шатны шүүх | 21 | 0.96 | 21.9 |
Нийт | 7445 | 58 | 128.4 /дундаж/ |
Сум дундын эрүүгийн хэргийн анхан шатны шүүх.
Сум дундын эрүүгийн хэргийн анхан шатны шүүхэд 61.5 шүүгч ажилласан бөгөөд нэг шүүгч дунджаар 85.0 хэрэг шийдвэрлэсэн байна.
№ | Шүүх | Эрүүгийн хэрэг | Шүүгчийн тоо | Нэг шүүгчид ногдох хэргийн тоо |
1 | Дорнод аймаг дахь сум дундын Эрүүгийн хэргийн анхан шатны шүүх | 400 | 2.4 | 166.7 |
2 | Баянхонгор аймаг дахь сум дундын Эрүүгийн хэргийн анхан шатны шүүх | 400 | 2.9 | 138.9 |
3 | Архангай аймаг дахь сум дундын Эрүүгийн хэргийн анхан шатны шүүх | 306 | 2.8 | 109.3 |
4 | Хөвсгөл аймаг дахь сум дундын Эрүүгийн хэргийн анхан шатны шүүх | 387 | 3.6 | 107.5 |
5 | Төв аймаг дахь сум дундын Эрүүгийн хэргийн анхан шатны шүүх | 487 | 4.6 | 105.0 |
6 | Сэлэнгэ аймаг дахь сум дундын Эрүүгийн хэргийн анхан шатны шүүх | 206 | 2.1 | 99.0 |
7 | Орхон аймаг дахь сум дундын Эрүүгийн хэргийн анхан шатны шүүх | 371 | 3.9 | 94.6 |
8 | Сүхбаатар аймаг дахь сум дундын Эрүүгийн хэргийн анхан шатны шүүх | 234 | 2.5 | 94.4 |
9 | Хэнтий аймаг дахь сум дундын Эрүүгийн хэргийн анхан шатны шүүх | 211 | 2.3 | 90.9 |
10 | Дархан-Уул аймаг дахь сум дундын Эрүүгийн хэргийн анхан шатны шүүх | 428 | 4.7 | 90.7 |
11 | Булган аймаг дахь сум дундын Эрүүгийн хэргийн анхан шатны шүүх | 225 | 2.6 | 85.2 |
12 | Ховд аймаг дахь сум дундын Эрүүгийн хэргийн анхан шатны шүүх | 201 | 2.4 | 83.8 |
13 | Баян-Өлгий аймаг дахь сум дундын Эрүүгийн хэргийн анхан шатны шүүх | 232 | 3.0 | 78.4 |
14 | Увс аймаг дахь сум дундын Эрүүгийн хэргийн анхан шатны шүүх | 187 | 2.5 | 75.4 |
15 | Өвөрхангай аймаг дахь сум дундын Эрүүгийн хэргийн анхан шатны шүүх | 209 | 2.8 | 74.6 |
16 | Дорноговь аймаг дахь сум дундын Эрүүгийн хэргийн анхан шатны шүүх | 138 | 2.5 | 55.6 |
17 | Өмнөговь аймаг дахь сум дундын Эрүүгийн хэргийн анхан шатны шүүх | 155 | 2.8 | 55.4 |
18 | Завхан аймаг дахь сум дундын Эрүүгийн хэргийн анхан шатны шүүх | 134 | 2.9 | 46.5 |
19 | Дундговь аймаг дахь сум дундын Эрүүгийн хэргийн анхан шатны шүүх | 114 | 2.6 | 43.2 |
20 | Говь-Алтай аймаг дахь сум дундын Эрүүгийн хэргийн анхан шатны шүүх | 106 | 2.8 | 37.9 |
21 | Говьсүмбэр аймаг дахь сум дундын Эрүүгийн хэргийн анхан шатны шүүх | 98 | 2.8 | 35.0 |
Нийт | 5229 | 61.5 | 85.0 /дундаж/ |
Хүснэгтээс харахад Баянзүрх дүүргийн Эрүүгийн хэргийн анхан шатны шүүхийн шүүгчид хамгийн их буюу жилд 184 хэргийг шийдвэрлэжээ. Энэ нь ойролцоогоор хоёр өдөрт нэг хэрэг дээр ажилладаг гэсэн үг.
Дүүргийн Иргэний хэргийн анхан шатны шүүх.
2020 онд Дүүргийн Иргэний хэргийн анхан шатны шүүхэд нийт 80.8 шүүгч ажилласан бөгөөд нэг шүүгчид дунджаар 344.3 хэрэг ногдож байна.
№ | Шүүх | Иргэний хэрэг | Шүүгчийн тоо | Нэг шүүгчид ногдох хэргийн тоо |
1 | Хан-Уул дүүргийн Иргэний хэргийн анхан шатны шүүх | 4441 | 10.5 | 423 |
2 | Баянзүрх дүүргийн Иргэний хэргийн анхан шатны шүүх | 5716 | 15.2 | 376.9 |
3 | Сүхбаатар дүүргийн Иргэний хэргийн анхан шатны шүүх | 3906 | 11 | 355.1 |
4 | Сонгино хайрхан дүүргийн Иргэний хэргийн анхан шатны шүүх | 4448 | 12.6 | 353.5 |
5 | Чингэлтэй дүүргийн Иргэний хэргийн анхан шатны шүүх | 3662 | 10.8 | 340.7 |
6 | Баянгол дүүргийн Иргэний хэргийн анхан шатны шүүх | 4293 | 14.3 | 301.3 |
7 | Багануур дүүргийн Иргэний хэргийн анхан шатны шүүх | 704 | 2.8 | 248.5 |
8 | Налайх дүүргийн Иргэний хэргийн анхан шатны шүүх | 578 | 2.7 | 216.8 |
9 | Багахангай дүүргийн Иргэний хэргийн анхан шатны шүүх | 52 | 1 | 52 |
Нийт | 27800 | 80.8 | 344.3 /дундаж/ |
Сум дундын иргэний хэргийн анхан шатны шүүх.
Тайлант хугацаанд сум дундын иргэний хэргийн анхан шатны шүүхэд 69.5 шүүгч ажилласан бол нэг шүүгчид дунджаар 325.4 хэрэг ногдож байна.
№ | Шүүх | Иргэний хэрэг | Шүүгчийн тоо | Нэг шүүгчид ногдох хэргийн тоо |
1 | Төв аймаг дахь сум дундын Иргэний хэргийн анхан шатны шүүх | 1756 | 4.0 | 439.0 |
2 | Баянхонгор аймаг дахь сум дундын Иргэний хэргийн анхан шатны шүүх | 1304 | 3 | 434.7 |
3 | Өвөрхангай аймаг дахь сум дундын Иргэний хэргийн анхан шатны шүүх | 976 | 2.4 | 406.7 |
4 | Архангай аймаг дахь сум дундын Иргэний хэргийн анхан шатны шүүх | 1173 | 2.9 | 402.2 |
5 | Ховд аймаг дахь сум дундын Иргэний хэргийн анхан шатны шүүх | 923 | 2.3 | 401.3 |
6 | Хэнтий аймаг дахь сум дундын Иргэний хэргийн анхан шатны шүүх | 958 | 2.4 | 399.2 |
7 | Хөвсгөл аймаг дахь сум дундын Иргэний хэргийн анхан шатны шүүх | 2260 | 5.7 | 396.5 |
8 | Дорнод аймаг дахь сум дундын Иргэний хэргийн анхан шатны шүүх | 1418 | 3.8 | 373.2 |
9 | Булган аймаг дахь сум дундын Иргэний хэргийн анхан шатны шүүх | 1083 | 3 | 361.0 |
10 | Говь-Алтай аймаг дахь сум дундын Иргэний хэргийн анхан шатны шүүх | 909 | 2.6 | 351.9 |
11 | Увс аймаг дахь сум дундын Иргэний хэргийн анхан шатны шүүх | 865 | 2.5 | 346.0 |
12 | Орхон аймаг дахь сум дундын Иргэний хэргийн анхан шатны шүүх | 1698 | 5.0 | 339.6 |
13 | Баян-Өлгий аймаг дахь сум дундын Иргэний хэргийн анхан шатны шүүх | 1308 | 4 | 327.0 |
14 | Дархан-Уул аймаг дахь сум дундын Иргэний хэргийн анхан шатны шүүх | 1380 | 4.4 | 312.5 |
15 | Дундговь аймаг дахь сум дундын Иргэний хэргийн анхан шатны шүүх | 907 | 3.0 | 302.3 |
16 | Завхан аймаг дахь сум дундын Иргэний хэргийн анхан шатны шүүх | 776 | 3.0 | 258.7 |
17 | Сүхбаатар аймаг дахь сум дундын Иргэний хэргийн анхан шатны шүүх | 739 | 3.0 | 246.3 |
18 | Өмнөговь аймаг дахь сум дундын Иргэний хэргийн анхан шатны шүүх | 647 | 3 | 215.7 |
19 | Сэлэнгэ аймаг дахь сум дундын Иргэний хэргийн анхан шатны шүүх | 744 | 3.7 | 201.1 |
20 | Дорноговь аймаг дахь сум дундын Иргэний хэргийн анхан шатны шүүх | 526 | 2.8 | 191.3 |
21 | Говьсүмбэр аймаг дахь сум дундын Иргэний хэргийн анхан шатны шүүх | 252 | 3 | 84.0 |
Нийт | 22602 | 69.5 | 325.4 /дундаж/ |
Хүснэгтээс харахад Төв аймаг дахь сум дундын Иргэний хэргийн анхан шатны шүүхийн шүүгчид хамгийн их буюу жилд дунджаар 439 хэргийг шийдвэрлэдэг байна. Энэ нь нэг шүүгч өдөрт доод тал нь 1 хэрэг дээр ажилладаг гэсэн үг.
Захиргааны хэргийн анхан шатны шүүх.
Захиргааны хэргийн анхан шатны шүүхэд 2020 онд нийт 69.8 шүүгч ажилласан бөгөөд нэг шүүгчид 21.8 хэрэг ногдож байна. Энэ нь эрүү болон иргэний хэрэгтэй харьцуулахад бага ачаалалтай байгаа юм.
Эх сурвалж: Шүүхийн ерөнхий зөвлөл
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна