Олимпын наадмын хамгийн их тэсвэр тэвчээр, сэтгэлийн хат шаарддаг төрлүүдийн нэг марафон гүйлтийн тэмцээн өнөөдөр болж өндөрлөлөө.
Эмэгтэйчүүдийн марафонд нийт 88 тамирчин оролцсоноос Б.Мөнхзаяа 45-р байр эзэллээ. Тэрээр нийт 42 км замыг 2 цаг 37 минут 08 секундэд туулан бариандаа оржээ.
Энэхүү хугацаа нь түүний энэ улирлын хамгийн шилдэг үзүүлэлт бөгөөд нэгдүгээр байранд орсон тамирчнаас 9 минут 48 секундээр хоцорсон байна.
Эмэгтэйчүүдийн марафоны алтан медалийг Кенийн тамирчин Перес Жепчирчир 2 цаг 27 минут 20 секундэд барианд орж хүртсэн бол нутаг нэгт Брижид Косгей 16 секунд хоцорч мөнгөн медаль хүртжээ.
Харин АНУ-ын тамирчин Молли Сейдел 26 секундийн дараа барийнд орж хүрэл медалийн эзэн боллоо.
Нийт 88 тамирчнаас 73 нь бариандаа орсон бол үлдсэн 15 тамирчин нь харамсалтайгаар барианд орж чадалгүй замын дундаас тэмцээнээ дуусгасан.
Б.Мөнхзаяа Хятад, Их Британи, Өмнөд Солонгос, Португал, Швейцар, Израил, Бельги, Нидерландын шилдэг тамирчдыг ардаа орхин барианд орсон юм.
Марафоны төрөлд оролцсон тамирчид бариандаа орох нь л маш том амжилт юм. Хэдий бие нь сульдаж шантарч байсан ч замаасаа гарч үзээгүй Б.Мөнхзаяагийн ярилцлагыг энд дарж үзээрэй.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
3,381.24 
°C
Сэтгэгдэл бичигдээгүй байна