Баянзүрх дүүргийн Улаан загалмайн хорооноос Хүүхэд, залуучууд, эмэгтэйчүүдийг хүчирхийлэлээс урьдчилан сэргийлэх, хариу арга хэмжээ авах төслийг хэрэгжүүлж байна.
Төслийн хүрээнд өрх тэргүүлсэн ганц бие эцэг, хөгжлийн бэрхшээлтэй хүүхдүүд, гал түймрийн улмаас орон байргүй болсон иргэд мөн гэр бүлийн хүчирхийлэлд өртсөн эх, хүүхдэд тусламж үзүүлж байгаа.
Энэ хүмүүнлэгийн ажиллагааг дэмжиж ОХУ-ын Элчин сайдын яам, Г.В. Плехановын нэрэмжит Эдийн засгийн дээд сургууль, хуучнаар РЦНК буюу Русский дом Улаанбаатар, ОХУ-ын Газпромбанк хамтран оролцжээ. Улмаар зорилтот бүлгийн 30 айл өрхөд уг хүнсний бүтээгдэхүүний багцыг хүргэх юм. Өнөөдөр хандивын зүйлийг дүүргийн удирдлагууд болон Улаан загалмайн хорооны төлөөлөлд гардуулан өглөө.
Тус арга хэмжээнд ОХУ-аас Монгол Улсад суугаа ЭСЯ-ны Зөвлөх, Улаабаатар дахь Русский дом РЦНК-ийн захирал Базархандаев Амгалан Ринчинович, ОХУ-ын Элчин сайдын яамны Хэвлэл мэдээллийн атташе Надежда Латышева, Газпромбанкны төлөөлөгчийн газрын дарга Кислов Валерий, Г.В. Плехановын Оросын Эдийн засгийн дээд сургуулийн Улаанбаатар дахь салбарын нэгдүгээр орлогч захирал Л.Дугаржав, Улаанбаатар хотын Оросын шинжлэх ухаан, соёлын төвийн ахлах зөвлөх, орчуулагч Зимирёв Владимир Сергеевич, Баянзүрх дүүргийн талаас Засаг даргын орлогч дарга Ц.Алтанзагас, Улаан загалмайн хорооны дарга Д.Жавзмаа нар оролцлоо.
Түүүнчлэн энэ үеэр дүүргийн Засаг дарга Н.Баярмөнхийн санаачилсан “Дэм дэмэндээ” аяныг дэмжиж Улаанбаатар дах Русский дом байгууллагаас 1-р хорооны нэг өрхөд тусламж үзүүлэхээр боллоо.
Хүмүүнлэгийн үйлсийг дэмжиж хамтран ажиллаж буй та бүхэнд талархал илэрхийлье.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
3,377.44 
°C
Сэтгэгдэл бичигдээгүй байна