"БАГАНУУР" ХК-ИЙН ӨВӨЛЖИЛТИЙН БЭЛТГЭЛ ХАНГАХ АЖИЛ 81.9 ХУВИЙН ГҮЙЦЭТГЭЛТЭЙ БАЙНА

Отгоо
9-р сарын 11 -нд

Эрчим Хүчний Яамны Түлшний бодлогын хэрэгжилтийг зохицуулах газрын дарга И.Лувсанцэрэн, ахлах шинжээч Д.Даваасүрэн нараар ахлуулсан Эрчим хүчний яам болон “Эрдэнэс Монгол” ХХК-иас томилогдсон Ажлын хэсгийн гишүүд Багануур ХК-нд ажиллан өвөлжилтийн бэлтгэл ажлын явцтай танилцлаа. Багануур ХК-ийн хувьд 2021-2022 оны өвлийн бэлтгэл ажлын хүрээнд нийт 3 бүлэг 47 төрлийн ажил гүйцэтгэхээр төлөвлөснөөс 2021 оны 09 сарын 08-ны байдлаар 81.9 хувийн гүйцэтгэлтэй байна. Үүнээс бүрэн дууссан 26, одоо хийж байгаа 18, хойшлуулсан 3 ажил бий.

Одоо хийж байгаа 18 ажлыг 11-р сарын 01 гэхэд бүрэн дуусгаж өвөлжилтийн бэлтгэл ажлын төлөвлөгөөг 100 хувь биелүүлэх төлөвлөгөөтэй ажиллаж байгаагаа танилцууллаа. Өнөөдрийн байдлаар уурхай авахад бэлэн 312 мян.тн нүүрстэй. Дулааны цахилгаан станцуудын гадаа 249.2 мян.тн нүүрс байгаагийн 65 хувь нь Багануурын уурхайн нүүрс байна. 2021-2022 оны өвлийн ачаалын үед 11.2 сая.м3 хөрс хуулж, 3133.8 мян.тн нүүрс нээж 3089 мян.тн нүүрс борлуулна.


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна