Д.Баярболд: Үйлдвэрлэл үйлчилгээний газрын ажиллах цагийг 22:00 цаг болгон хязгаарлах саналаа хүргүүлсэн

Отгоо
9-р сарын 17 -нд

Эрүүл мэндийн яамнаас үйлдвэр үйлчилгээний газрууд, тэр дундаа баар, шөнийн цэнгээний газрын ажиллах цагийг 22:00 цагаар хязгаарлах саналыг гаргажээ.

Энэ талаар ЭМЯ-ны хэлтсийн дарга Д.Баярболд "Аж ахуйн нэгж байгууллагууд Хариуцлагын гэрээгээ хангаж ажиллах хэрэгтэй байна. Засгийн газраас тусгай нөхцөл шаардлагыг гаргасан. Гэтэл түүнийг хангахгүй байна.

Хоорондын зай, цагийн хуваариа баримтлахгүй байх, үйлчлүүлэгчдээ амны хаалт зүүлгээгүй зэрэг зөрчил их гаргаж байгаа.

Мөн олон нийтийн арга хэмжээг зохион байгуулах зөрчил гарч байгаа юм. Тухайлбал хурим найр, олон хүнийг хамарсан үйл ажиллагаа зохион байгуулснаар халдварын дэгдэлт гарч байгааг анхаарах хэрэгтэй. Иймд Эрүүл мэндийн сайд аймаг, нийслэлийн Онцгой комисст тодорхой саналаа хүргүүлсэн. 

Шөнийн хязгаарлалт буюу үйлдвэрлэл үйлчилгээний байгууллага, ялангуяа баар, цэнгээний газруудыг 22:00 цагаас эхлэн хязгаарлах саналаа хүргүүлээд байгаа юм. Ингэснээр тархалтыг багадаа 20 хувиар бууруулах тооцоололтой байна" гэлээ.


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна