Боловсролын багц хуулийн төслийн ажлын хэсгийн гишүүд боловсролын салбарын шинэчлэл, Боловсролын ерөнхий хууль болон дагалдах хуулийн төслийн хэлэлцүүлэг Бямба гарагт болжээ.
Хэлэлцүүлгээр:
Боловсролын эрх зүйн шинэчлэлээр:
Боловсролын ерөнхий хуулийн төслийн хүрээнд хийгдэх чухал асуудал бол боловсролын чанарын үнэлгээ, багш бэлтгэх тогтолцоог сайжруулах, мөн цахим боловсрол буюу зайн сургалтыг бий болгох зэргийг тусгаад байгаа аж. Хуулийн амин сүнс бол багш бэлтгэх тогтолцоо юм.
Одоогийн байдлаар 40 сургуульд багш бэлтгэж байна. Багш бэлтгэх тогтолцоог сайжруулж, багш ажлын байран дээр тасралтгүй суралцах боломжоор хангах нь чухал. Дэлхийн 138 улс 12 жилийн тогтолцоотой байна. Энэ тогтолцоог мэргэжлийн сургалттай уялдуулж, бүх хүүхдийг 12 жилийн тогтолцоотой болгоно. Үүнээс гадна үр дүнд суурилсан, чанар дээр үндэслэсэн санхүүжилтийн тогтолцоог бий болгохоор хуулийн төсөлд тусгаад байгаа.
Ажлын хэсгийн гишүүд боловсролын байгууллага ашгийн төлөө болон ашгийн бус байх, сургуулийн өмнөх боловсролын байгууллагад гурван настайгаас нь авах, ерөнхий боловсролын 12 жилийн тогтолцоог бүх нийтээр байх, боловсролын байгууллагын удирдлагын томилгоо, хоёр дахь хэл англи хэл байх, дээд боловсролын сургалтын асуудал зэрэг олон асуудлаар нухацтай ярилцжээ.
Уулзалтад Монгол Улсын Ерөнхий сайд Л.Оюун-Эрдэнэ оролцож, боловсролын эрх зүйн шинэчлэлийн асуудлаар санал хэлэв.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
3,573.68 
°C
Сэтгэгдэл бичигдээгүй байна