Хүний эрхийн Үндэсний Комиссын даргын үүргийг түр орлон гүйцэтгэгч, гишүүн Ж.Хунан, гишүүн Б.Энхболд нар НҮБ-ын Хүүхдийн сангийн Суурин төлөөлөгч Эваристе Коуасси-Комланг хүлээн авч уулзлаа.
Уулзалтаар хоёр байгууллагын хамтын ажиллагаа, хүүхдийн эрхийн тулгамдаж буй асуудал, хүүхэд хамгааллын тогтолцоог сайжруулах хэрэгцээ шаардлагын талаар ярилцаж, санал солилцлоо.
НҮБ-ын Хүүхдийн сангийн зүгээс хүүхдийн эрхийн хэрэгжилтийг хэмжих шалгуур үзүүлэлт боловсруулах, цахим орчинд хүүхдийн эрхийг хамгаалах, эргэх холбоо бүхий хүүхдийн эрхтэй холбоотой гомдол шалгах ажиллагааг боловсронгуй болгох, НҮБ-ын Хүүхдийн эрхийн хороонд хүргүүлэх комиссын илтгэлийг бэлтгэх чиглэлээр дэмжлэг үзүүлэхээ илэрхийлсэн.
Мөн уулзалтын үеэр Комисс энэ онд ерөнхий боловсролын сургуулийн дотуур байр, хүүхдийн эрхийн хууль зүйн хорооны үйл ажиллагаанд хийх хяналт шалгалтын ажлыг эхлүүлээд байгааг дуулгасан бөгөөд НҮБ-ын Хүүхдийн эрхийн тусгай илтгэгчийг Монгол Улсад урих саналыг гаргалаа.
Эх сурвал: Хүний эрхийн үндэсний комисс
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
3,377.44 
°C
Сэтгэгдэл бичигдээгүй байна