МИАТ компани зургаадугаар сарын 7-ноос эхлэн Хонконг руу шууд нислэг үйлдэнэ

Отгоо
Пүрэв, 07:44 минут

Үндэсний Агаарын Тээвэрлэгч МИАТ ТӨХК 2022 оны зургаадугаар сарын 7-ны өдрөөс эхлэн Хонконг руу шууд нислэг үйлдэхээр болжээ.

Ингэснээр долоо хоног бүрийн Мягмар гарагт Хонконг руу нислэгтэй байх нь. Цар тахлын тархалт дэлхий нийтэд буурч тус компанийн нислэгийн тоо нэмэгдэж байгаа юм.

Тухайлбал Франкфурт хот руу нислэгийн тоогоо нэмэгдүүлж, зургаадугаар сараас эхлэн 7 хоногт таван удаа буюу Даваа, Мягмар, Лхагва, Баасан, Бямба гарагт "Боинг 767-300" агаарын хөлгөөр зогсолтгүй шууд нислэг үйлдэхээр болсон билээ.

COVID-19 цар тахлаас шалтгаалан хамгийн түрүүнд нэрвэгдэж буй салбар нь агаарын тээвэр. МИАТ компани 50 орчим тэрбум төгрөгийн алдагдалд орсныг тухайн үеийн удирдлага мэдээлж байсан юм.


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна