Сурагчдын XIX олимпын наадамд жүдо бөхийн төрөлд Д.Номин хүрэл медаль хүртлээ

Амаржаргал
2022 оны 5-р сарын 20 -нд

Сурагчдын XIX олимпын наадам болох "Гимназиад-2022" Франц улсад зохион байгуулагдаж байна.
 
Энэхүү наадамд манай улс анх удаа оролцож байгаа бөгөөд жүдо бөхийн төрөлд хоёр тамирчин, дасгалжуулагчийн хамт оролцсон. Жүдо бөхийн 57 кг-ийн жинд Д.Номин хүрэл медаль хүртлээ.
 
Сурагчдын олимпод 69 орны 3662 тамирчин спортын 20 төрөлд өрсөлдөж байгаа юм.
 
Доржпүрэвийн Номин нь Нийслэлийн лаборатори нэгдүгээр дунд сургуулийн 11е ангийн сурагч. Самбо, жүдо бөхөөр хоёр жил хичээллэж байгаа. Жүдо бөхийн өсвөр үеийн Монгол Улсын аварга шалгаруулах тэмцээний хүрэл /2022 он/, Самбо бөхийн Залуучуудын УАШТ алт /2022 он/, Самбо, жүдо бөхийн аймаг, бүсийн аварга болон нэрэмжит тэмцээнүүдийн алт, мөнгө, хүрэл медалиудтай.


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна