Холбооны бүгд найрамдах Герман улсын Кёльн хотноо болсон боксын дэлхийн цомын тэмцээнд хүч, ур чадвараа сорьсон Монголын эмэгтэй боксчид 3 цом, 3 алтан медалийн эздээр тодорсон байна.
Эмэгтэйчүүдийн 54 кг-ын жинд Э.Мичидмаа, 57 кг-ын жинд М.Энхжаргал, 60 кг-ын жинд Г.Бадмаараг нар аваргын алтан медаль хүртжээ. Шигшээ багийн тамирчин Э.Мичидмаа тус тэмцээний шилдэг техниктэй тамирчнаар тодорсон бол залуу тамирчин Н.Оюун-Эрдэнэ хүрэл медаль авсан байна.
Эрэгтэй тамирчдаас 56 кг-ын жинд ОУХМ Х.Энх-Амар болон 52 кг-ын жинд залуу тамирчин Л.Даваадорж нар хүч үзэж, Дэлхийн цомын тэмцээнээс мөнгөн медаль хүртжээ. Мөн О.Тулга, Т.Энхтөр дэлхийн цомын тэмцээний хүрэл медалийн эзэд болсон байна.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
3,376.43 
°C
Сэтгэгдэл бичигдээгүй байна