Монгол Улсад орчин цагийн зэвсэгт хүчин үүсэн байгуулагдсаны 101 ойг тохиолдуулан Баянзүрх дүүргийн 16-р хорооноос “Дайчин нөхөд минь, одонгоо зүүцгээ” өдөрлөг зохион байгууллаа. 16-р хорооны ахмадуудын дийлэнх хувь нь батлан хамгаалах салбарын хүмүүс байдаг. Энэ ч үүднээс 2011 оноос эхлэн уг арга хэмжээг зохион байгуулсан байна.
Энэхүү өдөрлөг нь эх орныхоо тусгаар тогтнол, аюулгүй байдлыг батлан хамгаалах үйл хэрэгт эр зориг, эрч хүч, залуу насаа зориулж ирсэн ахмад дайчдынхаа яруу алдарыг сурталчилан хүндэтгэл үзүүлэх, залуу үеийнхэнд эх оронч үзлийг төлөвшүүлэх зорилготой.
Өдөрлөгийн үеэр Баянзүрх дүүргийн ИТХ-ын төлөөлөгч, 16-р хорооны Засаг дарга Б.Булганхүү хэлэхдээ
"Монгол Улсын тусгаар тогтнол, батлан хамгаалах үйлсэд нэгэн насаа зориулсан ахмад дайчдын дийлэнх хувь нь манай хороонд аж төрж, амьдардагт талархдаг. Учир нь манай хорооны залуус ахмад дайчдын туулсан замнал, түүхийг сонсож хүмүүжиж, ёс зүйтэй хүн болж төлөвшдөг гэхэд хэлсдэхгүй. Тэр ч утгаараа бид ахмад дайчдаа хүндэтгэж, залуу хойч үеэ эх оронч үзлээр төлөвшүүлэх зорилгоор энэхүү арга хэмжээг жил бүр хийдэг" гэсэн юм.
Өдөрлөгийг хүндэтгэн, ёслолын хувцасаа өмсөж, одонгоо зүүж ирсэн үе үеийн ахмад дайчиддаа талархал илэрхийлье гэж Баянзүрх дүүргээс мэдээллээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
3,381.65 
°C
Сэтгэгдэл бичигдээгүй байна