ОХУ-ын Ерөнхийлөгч Владимир Путин хаврын цэрэг татлагад 150 мянган хүн татах тухай зарлигт гарын үсэг зурсныг Кремлиэс мэдээлэв.
Орост хаврын цэрэг татлага өнөөдөр буюу дөрөвдүгээр сарын 1-нээс эхэлж байна. Орос эрчүүд 18 нас хүрсэн бол нэг жилийн хугацаатай цэргийн алба хаах үүрэгтэй байдаг.
Өнгөрсөн оны долоодугаар сард ОХУ-ын парламентын доод танхим цэргийн алба хаах насны дээд хязгаар 27 байсныг 30 болгох хууль баталсан.
Уг хууль энэ оны нэгдүгээр сарын 1-ээс хэрэгжиж эхэлжээ. Ингэснээр 18-27 насны эрчүүдийг цэрэгт татдаг байсан бол хугацаат цэргийн алба хаах нас 18-30 болсон юм.
Өнгөрсөн хавар ОХУ 147 мянган цэрэг татахаар төлөвлөсөн бол намрын цэрэг татлагаар 130 мянган хүн татах зарлиг гарсан.
Эх сурвалж: CNBC
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
3,416.82 
°C
Сэтгэгдэл бичигдээгүй байна